irvin's tatay moments

Hinaharap ko ang possibility na isumpa ako ni Irvin sa pag-publish ng mga text messages nya but this is my way of letting him know how i tresure his every word.

HAPPY TATAY'S DAY! (Pati na din sa lahat ng tatay sa buong mundo!)


- Haay! Ang ganda talaga mag-smile ng baby ko :-) (06/11)

- Kamusta na kayo ng baby kong pogi? (06/04)

- Wag ka naman magpapagutom, kawawa din si baby. (06/03)

- Bakit kaya hindi magaslaw ang anak ko ngayon? Siguro dahil masarap matulog sa panahon ngayon. (06/03)

- Malapit ko na siya makarga. Yehey!!! :-) (06/02)

- Tatay: Nalulungkot ako ngayon.
Nanay: Huh? Baket?
Tatay: Miss ko na kasi kayo ni baby e. (05/25)

- Ang sarap talaga pagmasdan ang anak natin, nakakarelax. Haaay! (05/21)

- Nanay: Ay sinisinok ang bata!
Tatay: Nyak! Bakit kaya? Teka gulatin ko...BUYGA!(05/19)

- Buti na lang may pics ako ng baby natin, nawawala pagod ko kapag nakikita ko'ng kapogian nya. (05/17)

- Healthy yan kasi malikot e, energetic! (05/14)

- Sabihin mo kay baby, huwag na masyado malikot, susunduin kayo ni Tatay mmaya :-) (05/04)

- Ilang araw na lang, excited na ako! (04/28)

- Manang-mana sa nanay! (04/27)

- Konti na lang makikita na natin si baby :-) (04/21)

- Naku kawawa ka naman, baka napagod din ang poging-pogi kong anak. (04/19)

- Nanay: Naku anak, huwag ka sanang magmana kay _____!
Tatay: Oo nga, anak...please! (04/10)

- Say hello for me to my baby. Huwag kamo masyado malikot baka mahirapan na naman si nanay...Sabihin mo kay baby matutulog na si Tatay. (03/27)

- Pakinggan mo...I love you Nanay! Sarap di ba? (03/13)

- Tatay: Excited na talaga ako sa baby natin.
Nanay: E pa'no kung baby girl?
Tatay: Kahit ano naman, excited pa din ako...Gusto ko kasi kapag nakikita ko siya sasabihin ko sa sarili ko, "Anak ko 'yan" Hehe!
Nanay: Hmph! Tapos kapag may maling ginawa, ang sasabihin mo "'Yang anak mo!"
Tatay: Hindi no! Sasabihin ko lang, "'Yan talagang apo ng tatay mo!" Hahaha! (02/25)

- Nanay: Si Remus at Romulus 'yung founders ng Rome. Pinatay ni Romulus si Remus.
Tatay: Aba'y lokong Romulus 'yun ah! (02/24)

- Tatay: Lalaki siyang macho katulad ng tatay nya at mapagmahal din sa magulang katulad ng tatay nya...kasi 'yung pagiging mabait, maalalahanin, magalang at magandang lalaki sa 'yo galing. (02/24)

- Sana malaki na baby natin para kasama natin siya sa mga pictures. Hehe! (02/24)

- Nami-miss ko na kayo ni Baby Remus. (02/18)

- Tatay: Malikot ba'ng anak ko?
Nanay: Super.
Tatay: Ako bahala dyan, hehe. (02/17)

- Cheer up! Pogi ng baby mo! (02/16)

- Matulog na kayong mag-ina. (01/30)

- Nanay: Tayo'y tumalon, tayo'y sumigaw, maghawak-hawak, tayo'y sumayaw...
Tatay: Manood ka lang dyan, wag ka tumalon, sumigaw at sumayaw. (01/09)

- Isipin mo na lang, kapalit ng sakripisyo mo ngayon e magiging healthy ang baby natin (12/05)

- Lanlanlinlalalan... :-) (11/26)

- Nanay: 9th week, kasinlaki na siya ng grape.
Tatay: Wow! Laki na ng anak ko! (11/23)

- Nanay: 5th week, kasinlaki na siya ng sesame seed.
Tatay: Wow! Anlaki-laki na ng anak ko! (10/25)

- Meme muna mga babies ko. (10/22)

- Text mo ako kapag sunduin kita dyan ha. Wag ka masyado maggagagalaw, baka mapagod babies ko. (10/19)

- Ang mahalaga, be strong, be positive and be happy para maganda mga babies natin. (10/18)